პროექტის პორტფოლიო

  ტრენინგი ჩემთვის მეტად ნაყოფიერი იყო. ტრენინგის დახმარებით უფრო საფუძვლიანი გახდა ჩემი ცოდნა ამ საკითხებთან დაკავშირებით. დავრწმუნდი პროექტებით სწავლების აუცილებლობა-საჭიროებაში. გავეცანი 21-ე საუკუნის უნარებს, საავტორო უფლებებს, შევქმენი გამოყენებული ლიტერატურის ჩამონათვალი . შევადგინე შეფასების რუბრიკა, შევქმენი ჩემი ბლოგი, რომელზეც ავტვირთე ჩემი პორტფოლიო. 

დღეს გავეცანით განსაკუთრებული საჭიროებების მქონე  (სსსმ, არაქართულენოვანი, ნიჭიერი) მოსწავლეებისათვის საჭირო აქტივობების ნიმუშებს, ფასილიტაციის მასალებს, რაც დამეხმარება თითოეული მოსწავლის ინდივიდუალური შესაძლებლობების გათვალისწინებით საჭირო აქტივობების დაგეგმვაში.

დღევანდელ ტრენინგზე გავეცანით მოსწავლის ნამუშევრის შეფასების სხვადასხვა რუბრიკებსა და ინსტრუმენტებს, რაც დამეხმარება თითოეული მოსწავლის შესაძლებლობების გამოსავლენად და გასავითარებლად.

   დღევანდელი ტრენინგი ნაყოფიერი იყო. მრავალი პრაქტიკული და საჭირო რჩევა მივიღეთ  ჩვენი ტრენერის ქალბატონი ირინასგან, რაც აუცილებლად დამეხმარება სასწავლო პროცესში პროექტული სწავლების დანერგვაში. გავეცანით მიზნის შესაბამისი საუკეთესო ინსტრუმენტების არჩევას. შევქმენით და ერთმანეთს გავუზიარეთ მოსწავლეთა სავარაუდო ნამუშევრები. შევადგინეთ კვლევის კითხვარები,  ცხრილები, რითაც დავეხმარები მოსწავლეებს აწარმოონ კვლევა. ვიმუშავეთ კვლევის შედეგების დიაგრამის საშუალებით გამოსახვაზე.

დღეს დავწყვილდით და ერთმანეთს გავუზიარეთ მოსაზრებები ჩვენი პროექტების შესახებ, რაც პოზიტიური აღმოჩნდა როგორც ჩემთვის ,ასევე ჩემი მეწყვილისთვის. უკუკავშირის მიცემა ეხმარება პედაგოგს გაიაზროს მთავარი და  და მეორეხარისხოვანი საკითხები. გავერკვიეთ საავტორო უფლებებში, რაც გათვალისწინებული უნდა იქნას პროექტზე მუშაობისას.

პროექტებით სწავლების შესახებ მქონდა ბუნდოვანი წარმოდგენა. ტრენინგის განმავლობაში ავირჩიე თემა , ვისწავლე პროექტის შესრულების თანმიმდევრობა, გეგმის შედგენა, დროში გაწერილი შეფასების თანმიმდევრობა , შეფასების ინსტრუმენტები.